عجزت أحكي عن إحساسي!!!

عجزت أحكي لك إحساسي و أترجم لهفتي بالبوح
عجزت إني أعيش بصمت إلى من طال يذبحني


"حبيبي" شفت هالدنيا بها ناس تجي و تروح
ما هزّ القلب و حلّته يا كود إنسان يبكيني


قسم باللي خلق ذاتي و خلاّ في الجسد هالروح
قسم باللي ليا من مت و صرت عظام يجمعني


"أحبك " و الغلا صادق و ما هو لعب و سلا و مزوح
نزل دمعي نزف جرحي و ذاك الشوووووق عذّبني


أحس الكون في عيني فنا و ما عاد له مصلوح
ما دام اللي "أحبه حييل" ما جيته و لا يجي عندي


أنا لا من كتبت و همت حكى حب غدى مذبوح
صرخ دمعه بدون شعور كفى بالله افهمني


"حبيبي" جاك إحساسي على صافي نقا و وضوح
كتبته قبل ما يومي تجي الأقدار و تكتبني


و إذا قلبي خطا عذر و قول إنه بعد مسموح
و إذا حبي معك قصّر أمانة منك سامحني


أبكتم حسرتي لكن بقول إنك ترى مسموح
و بخفي عبرتي فعيني قبل دنياي تعدمني


و تأكد حبك بقلبي لآخر ما تروح الروح
لأني مدري ساعتها من اللي قام يدفني